Miaj preferataj TV-serioj

Sur la televidilo mi precipe spektas TV-seriojn kaj futbalmatĉojn. Por bona informiĝo mi utiligas interreton. La 24an de septembro komenciĝis la 4a sezono de unu el miaj preferataj serioj: This Is Us (Fox Premium). Ĝi rakontas la historion de tri gefratoj, unu el ili (nigrhaŭtulo) estas adoptita. La intrigo disvolviĝas tra malsimilaj epokoj. La 5a sezono de Outerland (Fox Premium), mia preferata serio, debutos nur komence de 2020. Ĝi estas bazita sur libroj de usona verkistino Diana Gabaldon kaj miksas elementojn de sciencfikcio, fantazio kaj historio: Claire Handall, angla flegistino dum la 2a Granda Milito, post la evento, okaze de vojaĝo kun la edzo al Skotlando, pro ia magia procedo, vojaĝas tra la tempo kaj subite ŝi troviĝas en la jaro 1743 en la sama regiono en kiu ŝi gastis kun la edzo.

Nuntempe mi ankaŭ akompanas la intrigdisvolviĝon de aliaj serioj. Succession (HBO), jam en la 2a sezono, spegulas la vivon de la familio Roy kaj la konfliktemajn rilatojn de ĝiaj membroj. La patro estas posedanto de granda aro da amaskomunikiloj, li estas maljuna kaj malsana kaj la filoj luktas por la kontrolo de la entreprenoj. Big Little Lies (HBO) pritraktas la envolviĝon de kvin virinoj en murdinvestigado. Kun Nicole Kidman, Reese Witherspoon kaj

Meryl Streep. Ho! Divorce (HBO) rakontas al ni pri la postdivorca vivo de mezaĝa paro. Ŝajnas al mi, ke ĉe la fino ili interpaciĝos...=