24/06/2019
23/06/2019
22/06/2019
Mankas krotaloj
Mi ĝojas,
ke ĉi tie ni ne havas
krotalojn.
ni havas financistojn
politikistojn
televidon
prudulojn
kaj ankaŭ aliajn
venenaĵojn.
Sed krotalojn
ni ne havas.
La vivo povus esti
eĉ pli malagrabla.
William Auld (2024-2006) - skota E-verkisto
DESSEAK - granda laboro por E-o en la Sudo
Imagu tutan
etaĝon diversĉambran en konstruaĵo je la dispono por instruado kaj aktivecoj
rilataj al Esperanto! Tio estis DESSEAK - Departemento de Esperanto de Soc.
Espírita Allan Kardec, la plej grava Esperantoinstanco iam ekzistanta en Porto
Alegre. Meze de la 70aj jaroj komenciĝis kursoj en la menciita societo, unue en
ties sidejo ĉe str. Andrade Neves kaj poste en ĝia “Nukleo 1” ĉe str. Fernando
Machado. Mi tute certe ne povus ne mencii la valoregan laboron i.a. de homoj
kiel S-ano Dorval da Silva Pereira (tiam prezidanto de SEAK, tiel pretema),
S-anino Lucila Dávalos Fernandes (direktorino de DESSEAK dum multaj jaroj, tiel
senlaca) kaj S-anino Nydia Aidós Krieger, mia karmemora instruantino kaj poste
kolegino, tiel karisma, por ke DESSEAK estu transformita en unikan spacon por
Esperanto niaurbe.
Danke al DESSEAK multaj homoj lernis E-on kaj poste ekinstruis
ĝin en aliaj lokoj de la urbo, kiel ekz. ĉe ESPA-Esperantista Societo de Porto
Alegre, GEA-Gaŭĉa E-Asocio, Soc. Esp. Beneficente Bezerra de Menezes,
União Espírita Porto-Alegrense kaj Grupo Espírita Francisco Xavier. Bedaŭrinde
la tempo pasis, ŝanĝiĝis la estraroj de Allan Kardec kaj tiam komence de 2003
oni anoncis la finon de la E-departemento pro financaj kialoj. La Esperantomovado en Porto Alegre neniam plu
restis la sama.
20/06/2019
Miks-
Unu
miliono da
specioj de insektoj jam estis nomumitaj kaj priskribitaj - nur 20% el la tuto
ekzistanta. Ekzistas 12 mil tipoj de formikoj, preskaŭ 12 mil variaĵoj de
abeloj, ĉirkaŭ 400 mil specioj de majskaraboj.
Laŭ la
Baromêtre Cevipof de januaro ĉijara,
la elcenteco de fido de la franca enloĝantaro je la institucioj estas: Ter-,
Mar- kaj Aer-armeo: 74%, Justico: 44%, amasmedioj: 23% kaj politikaj partioj: 9
%.
Laŭ la censo de 2010,
ekzistis 900 mil indianoj en Brazilo, 32 989 en Rio Grande do Sul kaj 3 308 en Porto
Alegre.
En
multaj kulturoj en Mozambiko, la homoj havas diversajn nomojn
tra la vivo. Unu por ĉiu etapo: naskiĝo,
adoleskantaĝo, edz(in)iĝo, patr(in)iĝo, maljunaĝo.
La grekoj nomis scholé al la momento de senokupo,
ripozo, en kiu oni povis kleriĝi, mediti danke al la interrompo de la laboro.
De tio venis ekz. la esperanta skolo
kaj la portugala escola.
Mafalda, la edzino
de Erico Verissimo, kutimis regali Mário Quintana per tiom multe da ŝtrumpetoj,
ke li plendis: “Ŝi ŝajne trovas, ke mi estas iu skolopendro.”
Laŭ Atlas da Violência, 553 mil
brazilanoj estis mortigitaj inter 2006 kaj 2016, nombro supera al tiuj de
mortigintoj en Sirio post sep jaroj da milito.
Ruĝa Kufulineto estis malpermesita en Usono...
Ruĝa Kufulineto (Pt Chapeuzinho Vermelho) estis cenzurita en Usono ĉar la protagonisto kiam iras tra la arbaro por viziti la avineton portas grandan botelon da vino en la kesto, detalon kiu povos reprezenti negativan mesaĝon al la infanoj, observis Marcelo Tas en la libro Cidadania Obscena (Obscena Civitaneco), 109paĝa (Eldonejo Papirus 7 Mares, 2007). Aliflanke La Aventuroj de Tom Sawyer estis prohibita kaŭze de la fakto, ke ĝi havas nigrhaŭtan fikciulon.
Barcelono: infero en la Turo
Dum sep monatoj, brazilanino Fernanda laboris en Barcelono, kiel moderigisto de videofilmoj, ĉe Competence Call Center, unu el entrepenoj kiuj laboras por Facebook kaj Instagram, kies adreso estas la turo Le Glòries, 38etaĝa, unu el la plej belaj konstruaĵoj en la urbo. La salajro estas tre alloga: preskaŭ 10 mil eŭroj monate.
Post analizo la moderigistoj baras ĉiujn videojn kiujn ili konsideras
malkonvenaj pro troo da perfortoj, netaŭgaj seksaj scenoj, incito al malamo
ekzemple. La laboro dependas de denuncoj farataj de la uzuloj de
Facebook/Instagram, kiuj utiligas la tri punktetojn tiucele ĉe la supra kaj
maldekstra angulo de la afiŝo. Ie en la mondo la denuncitaĵoj aperos sur la ekrano de moderigisto. La
plejmulto de la denuncoj senditaj de brazilanoj estas taksata de Competence
Call Center en Hispanio, kun ses mil funkciuloj, inter ili ĉirkaŭ 350
brazilanoj kiel Fernanda.
Ŝi rakontas, ke iunokte kolego komencis sin mordi. “Li kriis, faris
sonojn kvazaŭ li bojus. Oni bezonis tri horojn por trankviligi lin.” En la kazo
de Fernanda, ŝi nuntempe submetiĝas al iu psikologia kuracado kaj prenas
kontraŭdeprimilojn. Ŝi ne sukcesas forgesi i.a. la scenon de bebo kiu estis
ĵetata de iu muro al alia.
Teksto bazita sur la raportaĵo Inferno na torre, de Lílian Cunha, publikigita en CartaCapital de
17/apr/2019.
12/06/2019
Napoleono kaj la itala damo
Onidire iam Napoleono Bonaparto, la franca
imperiestro, parolis kun juna itala damo. Li demandis al ŝi: Tutti gli italiani danzano si male? (Ĉu ĉiuj italoj dancas tiel malbone?) kaj
ŝi tuje respondis: Non tutti, ma buona
parte (Ne ĉiuj sed bona parto).
07/06/2019
"La fina deziro/ estas la amo."
Ne estas paco
sen amo
Ne estas dormo
sen sonĝoj
pri amo -
Ĉu freneza, ĉu malvarma
obsedata
pri anĝeloj
aŭ maŝinoj,
la fina deziro
estas la amo.
> Allan
Ginsberg (1926-1997), usona poeto
“Nian fokon ĉiutagan donu al ni hodiaŭ”.
Mi legis raportaĵon, en numero de la brazila revuo Piauí, pri la degelo en Gronlando, en
kiu vivas nur ĉ. 60 mil homoj. Preskaŭ triono el ili loĝas en Nuuk (“La
Duoninsulo” en la gronlanda lingvo), fondita komence de la 18a jc de Hans
Hegede, iu norveg-dana misiisto.
Kurioze kiam li alvenis al la granda insulo,
li eltrovis, ke ne ekzistis vorto por “pano” en la lingvo de la indiĝenoj ĝuste
pro tio, ke ili ne sin nutris pere de ĝi. Sekve kiam Hegede pensis traduki en
la gronlandan lingvon la “Patron Nian”, la plej konatan preĝon de la
kristanismo, unu el la verso fariĝis
tiel: “Nian fokon ĉiutagan donu al ni hodiaŭ”.
Novliberalismo: la kulturo anstataŭita de la amuziĝo
En tiu
novliberala socio kiu spiras iun globokoloniantan kulturon konsumistan, la vera
kulturo estas anstataŭita de la amuziĝo. Oni klopodas formi konsumantojn kaj ne
civitanojn. Malpli da racio kaj pli da emocio.
Kulturo estas ĉio kio humanigas
nian spiriton kaj nian konsciencon. Nu bone, kiel la sistemo multobligos siajn
profitojn se la homoj havos kritikan sencon kaj spiritualan rafinon?
> Frei Betto
05/06/2019
Miks-
Opinieto - Iam gravulo malafable diris al Mário
Quintana: “Mi tre ŝatis viajn versetojn”, al
kio Quintana replikis: “Dankon pro via opinieto.”
Skolopendro - Mafalda, la edzino de Erico Veríssimo, kutimis regali
Mário-n Quintana-n per tiom multe da ŝtrumpetoj, ke li plendis: “Ŝi ŝajne
trovas, ke mi estas skolopendro.”
Bestetvivoj - Formikoj povas vivi dum 5-7 jaroj.
Tervermoj, inter 4 kaj 8 jaroj. Hejma blasto povas havi ĝis 20 mil idojn!
Spermatozoidoj - En unu sekundo, la genera aparato de
la viro produktas 1.400 spermatozoidojn.
Alvenjaroj - La hispanoj alvenis al Rio Grande do
Sul en 1626; la bandejrantoj, en 1636; la afrikanoj (kiel sklavoj), en 1725; la germanoj, em 1824 kaj la italoj,
en 1875.
Krokodili | Aligatori | Kajmani
Krokodili = paroli sian nacian lingvon en
esperantista medio.
Aligatori = paroli en la nacia lingvo de iu
alia, estante en esperantista medio.
Kajmani = paroli en nacia lingvo stranga ĉu
por la parolanto ĉu por la aŭskultanto
La verboj de ĉiuj signoj... Kiu estas via?
Ŝafo: Mi volas!
Taŭro: Mi havas!
Ĝemeloj: Mi pensas!
Kankro: Mi sentas!
Leono: Mi estas!
Virgo: Mi analizas!
Pesilo: Mi amas!
Skorpio: Mi kontrolas!
Virgo: Mi analizas!
Pesilo: Mi amas!
Skorpio: Mi kontrolas!
Sagitario: Mi observas!
Kaprikorno: Mi povas!
Amforo: Mi scias!
Fiŝoj: Mi kredas!
Kaprikorno: Mi povas!
Amforo: Mi scias!
Fiŝoj: Mi kredas!
Nomumo de la zodiakaj signoj laŭ Marjorie Boulton en sia verko Faktoj kaj Fantazioj. (Wikipedio)
Assinar:
Postagens (Atom)