La Inkvizicio (1233-1821), kreita de papo Gregorio la 9a, "estis grupo de institucioj ene de la jura sistemo de la Katolika Eklezio kies celo estis batali kontraŭ la herezio, blasfemado, sorĉado kaj kutimoj konsiderataj devojiganta" (Vikipedio-PT). Por tio, ĝi eĉ utiligis torturon por perforte sukcesi konfesojn de la homoj konsiderataj hereziuloj. Ĝia agado estis nedubeble unu el la plej nigraj paĝoj de la Historio, en absoluta devojigo de la mesaĝo de la Kristo. Fakte ekde la 12a jc en Francio ĝi jam iasence aktivis en persekutado al kataroj kaj valdanoj.
Nature ĝi ankaŭ ekagadis en la amerikaj kolonioj. En la kazo de Brazilo, la persekutado al judoj kaj muzulmanoj kovertitaj al la kristana fido, sed viktimoj de suspektoj, fariĝis prioritato. Historiaj donitaĵoj registras persekutojn al 1076 homoj, 29 mortigitaj en fajregoj, 9 kruele mortigitaj per aliaj rimedoj kiel ekzemplo la dismembrigo de la korpo, kun piedoj kaj brakoj ŝnurligitaj al kvar ĉevaloj kurantaj en kontraŭajn direktojn.Inter la viktimoj troviĝis ankaŭ nigrhaŭtaj kuraculoj kaj virinoj akuzitaj de sorĉado. Specife pri tiuj lastaj ni vidu kelkajn ekzemplojn:
Mima Renard | En la fino de la 17a jc, tiu franca junulino translokiĝis kun la edzo al San-Paŭlo, en Brazilo. Pro siaj fizikaj ĉarmoj, ŝi estis tuj sekse ĝenita senskrupule de diversaj viroj kaj unu el ili murdis ŝian edzon ĝuste por havi ŝin sub jugo. De tio rezultis, ke ŝi prostituiĝis kaj poste virino denuncis ŝin al pastro asertante, ke Mima ensorĉis la virojn, motivo por ke ŝi fine estu kondamnita al morto en fajrego.
Maria Dolores | Indianino sklavigita ekde kiam ŝi estis infano, en 1691 ŝi estis akuzita pri seksa delogo rilata al unu el la nepoj de la farmisto kiu subtenis ŝin en la sklaveco. Ŝi estis torturita de la loka pastro por ke ŝi rivelu la nomojn de la viritoj kiuj estis inicintaj ŝin en la artoj de la sorĉado. Eble ne tute bone sciante pri tio kio estis okazanta, ŝi menciis la nomojn de nigrulinoj kaj indianinoj kiuj instruis ŝin pri kelkaj pocioj. Ĉiuj estis distranĉitaj de ĉevaloj laŭ sube menciita.
Maria da Conceição | 1798. Denuncita pro tio, ke ŝi helpis je malsanuloj pere de kuracherboj, ŝi estis kondukita al la fajrego de la Inkvizicio malgraŭ tio, ke en sia defendo diris, ke ŝi nur preparis teojn.
Branca Dias |
Multaj sefardoj samkiel portugalaj novkristanoj venis al Brazilo por fuĝi de la persekutado des pli pro tio, ke la lastaj estis vidataj multefoje kun suspektemo. Ĉirkaŭ 1540, Diogo Fernandes, teksaĵkomercisto, novkristano, faris la samon, lasante en Portugalio sian edzinon kaj filojn, kiuj ne povis akompani lin. Ŝi nomiĝis Branca Dias kaj post kelka tempo estis kondamnita de la Inkvizicio al du jaroj da prizono sub la akuzo praktiki la judismon, kaŭze de denunco farita de siaj propraj patrino kaj fratinoj, kiuj estis arestitaj antaŭe kaj interesataj redukti siajn punojn. Branca iamaniere post la prizontempo sukcesis foriri al Brazilo por loĝi kun Diogo en Pernambuko, nuntempe unu el la nordorientaj brazilaj ŝtatoj, en sukerfabriko kiun li starigis post kiam li gajnis terpecon.
Ŝi komencis instrui ne nur al siaj filoj sed ankaŭ al la filoj de samlandanoj. Inkluzive ŝi estas konsiderata kiel la unua instruistino en la lando. Sen multe da diskreteco, ŝi kreis sinagogon por ke la judoj povu praktiki siajn religiajn ritualojn malpermesitajn. Oni supozas, ke ŝi mortis en 1590. Sed en sia unua tasko en Brazilo, la Inkvizicio eke persekutis ŝiajn multnombrajn posteulojn. La familio estis procesita kaj kondamnita. Kelkaj filoj kaj nepoj estis irigitaj al Portugalio por plenumi siajn punojn. La restaĵoj de Branca Dias ankaŭ estis transportitaj al Eŭropo por esti bruligitaj kiel postmorta puno. Kompreneble, ke ĉio en la nomo de Dio kaj Jesuo...
Fontoj |
https://brasildrummond.com.br/branca-dias-perseguida-pela-inquisicao-heroina-dos-judeus-sefarditas/
https://pt.wikipedia.org/wiki/Inquisi%C3%A7%C3%A3o
Nenhum comentário:
Postar um comentário