Dom Feliciano, RS, Brazilo | Kulturdomo de la Enmigrinto/ Biblioteko Francisko V. Lorenz, pioniro de Esperanto

 

En Dom Feliciano, RS (1), en la plej suda regiono de Brazilo, troviĝas la Casa da Cultura do Imigrante (Kulturdomo de la Enmigrinto), inaŭgurita en 1993, en kiu funkcias la Municipa Muzeo, la Biblioteko Francisko Valdomiro Lorenz kaj la Departemento pri Kulturo (de la urbodomo) kaj ĝi havas kiel celojn organizi, apogi kaj stimuli ĉian kulturan eventon en la urbo. La fotoj montras iom pri ĝi.

Municipa Muzeo

"Bonvenon!"

Parto de E-karavano (2) el Porto Alegre vizitanta la kulturdomon antaŭkelkjare.

 

Biblioteko Francisko Valdomiro Lorenz

Kun la biblioteko kiu apartenis al Francisko Valdomiro Lorenz (1872-1957), pioniro de la ĉeĥa kaj brazila Esperantomovado, loĝanto en la urbo inter 1894 kaj 1950.

Aldone:

Domo en kiu vivis la familio Lorenz

Monumento al Francisko Valdomiro Lorenz

Parto de E-karavano el Porto Alegre vizitanta la kulturdomon antaŭkelkjare.

La tagmanĝo de la grupo

(1) Dom Feliciano estas urbo en la ŝtato Rio Grande do Sul, en la plej suda regiono de Brazilo, kun ĉ. 15 mil enloĝantoj. Grandparte de la loka enloĝantaro temas pri posteuloj de polaj enmigrantoj (1891). Ĝi situas je 174 km sude de la ŝtata ĉefurbo Porto Alegre.

(2) La karavano konsistis el grupo de E-lernantoj de FERGS-Federação Espírita do Rio Grande do Sul (Spiritista Federacio de Rio Grande do Sul) akompanata de instr. Tereza Jobim (dekstre) kaj mi.

Fotoj plejmulte de C.D.